Virgo audi nos. Miserere nobis.
Virgo exaudi nos. Miserere nobis.
Patris de caelis amica beata. Miserere nobis.
Filii Dei Mater honorificata. Miserere nobis.
Spiritus Sancti ope fecundata. Miserere nobis.
Sanctae Trinitatis habitatio delicata. Miserere nobis.
Super omnes Ordines beatorum spirituum exaltata. Miserere nobis.
Quae Joannis Baptistae infantia fuisti laetificata. Miserere nobis.
A Patiarchis expectata. Miserere nobis.
A Prophetis praenuntiata. Miserere nobis.
Cum Apostolis in caenaculo sociata. Miserere nobis.
Cum Martyribus martyrio consecrata. Miserere nobis.
A Confessoribus laudata. Miserere nobis.
A Virginibus amata. Miserere nobis.
Cum Maria Magdalena in cruce lacrimata. Miserere nobis.
Super omnes Sanctos et Sanctas sanctificata. Miserere nobis.
Sancta Maria ab Angelo salutata. Miserere nobis.
Sancta Maria. Ora pro nobis.
Manna saporis,
Ardor amoris,
Ramus odoris,
Imperatrix honoris,
Advocata peccatoris.
Sancta Maria. Ora pro nobis.
Margarita pretiosa,
Aula delitiosa,
Regina gloriosa,
Ianua speciosa,
Angelis iocosa.
Sancta Maria. Ora pro nobis.
Mater electa,
Ab Aeterno dilecta,
Regula recta,
In sublime erecta,
Amica perfecta.
Sancta Maria. Ora pro nobis.
Mamilla mellita,
Angelica vita,
Rosa redimita,
In supremo sita,
Amore ignita.
Sancta Maria. Ora pro nobis.
Mitis ut agna,
Alma quam genuit Anna,
Restaurans Evae damna,
Iubilatio magna,
Angelorum dulce manna.
Sancta Maria. Ora pro nobis.
Miranda creatura,
Alta genitura,
Regni tenens iura,
Intus et extra pura,
Amititiae junctura.
Sancta Maria. Ora pro nobis.
Misericordiae vena,
Altitudo serena,
Rosa gratia plena,
In mulieribus lux amoena,
A te liberemur a poena.
Sancta Maria. Ora pro nobis.
Mira Mamilla,
Altissima ancilla,
Regina Sybilla,
In cruce madens maxilla,
Ardens amoris favilla.
Sancta Maria. Ora pro nobis.
Mater Domini,
Ardua spes homini,
Recomendata Numini,
Inimica daemoni,
Angelorum planta agmini.
Sancta Maria. Ora pro nobis.
Mater Dei Maria tu animae medicina.
Ad nos Maria tu nobis aures inclina.
Rege nos Maria tu Regina.
Illumina nos Maria tu lux divina.
Accende nos Maria Stella matutina.
Sancta Maria. Ora pro nobis.
Propitia esto Maria piissima. Ora pro nobis Domina.
Propitia esto Maria dulcissima. Ora pro nobis Domina.
Per sacrum diem nativitatis tuae. Succurre nobis Domina.
Per sacrum votum tuae virginitatis. Succurre nobis Domina.
Per sanctam oboedientiam tuam, Virgo Maris stella. Succurre nobis Domina.
Per sanctos novem menses quibus Dei Filium in utero portasti. Succurre nobis Domina.
Per sanctum puerperium tuum quando Puerum lactasti. Succurre nobis Domina.
Per gaudium quod habuisti cum Magis cum Puero inventa fuisti. Succurre nobis Domina.
Per sanctam oblationem in templum humilitatis exemplum. Succurre nobis Domina.
Per sanctos septem annos quibus stetisti in Aegypto cum Filio tuo benedicto. Succurre nobis Domina.
Per sanctos tres dies quibus cum dolore illum quaesivisti. Succurre nobis Domina.
Per sanctum diem Sabbati quando fidem custodisti. Succurre nobis Domina.
Peccatores Maria nos exaudias. Te rogamus audi nos.
Ut per te Beata semper sit Ecclesia in statu gratiae confirmata. Te rogamus audi nos.
Ut Ordinem Praedicatorum socies inter ordines angelorum. Te rogamus audi nos.
Ut tibi et Filio tuo vivamus cum castitatis lilio. Te rogamus audi nos.
Ut per cuncta saecula firma sit nostra Regula. Te rogamus audi nos.
Ut per te Gloriosa nostra oratio sit fructuosa. Te rogamus audi nos.
Ut conventus Noster tibi placeat, plena gratia. Te rogamus audi nos.
Ut in amore concordes ad nos convertas oculos misericordes. Te rogamus audi nos.
Ut tuos semper amicos et conservare digneris. Te rogamus audi nos.
Ut ad nostras preces attendas et ubera Filio tuo pro nobis ostendas. Te rogamus audi nos.
Ut fructu ventris tui nos facias semper frui. Te rogamus audi nos.
Filia Dei Maria. Nos respice.
Filia Joachim Maria. Nos dilige.
Filia Annae Maria. Nos suscipe.
Agna Dei tu porta spei. Porta nos ad Filium.
Agna Dei nos iungas ei. Virginale lilium.
Agna Dei da requiei. Regnum post exilium.
Amen.